♥ ملتقى عشاق المسلسل العـــــــــــ supernatural ـــــــــــــــالمى الموسم العاشر♥

[debuuu]

المشاركة الأصلية كتبت بواسطة sasa soso بصة سام دي مش مريحاني حسه انه هيعمل حاجه غبيه قريب

ربنا يستر

[debuuu]

المشاركة الأصلية كتبت بواسطة sasa soso هههههههههههههههههههههههههههههههههههههههههههههههههه ه الحلقه فظيعه ما بطلتش ضحك عاجبني اوي انه رجعوا جزء الكوميديا في المسلسل

فعلا هههههههههههههههههه الحلقة جميلة جدا فعلا
دى احلى حاجة فى السيزون العاشر ان هيبقى فيه كوميديا لآنى بصراحة زهقت وشبعت نكد من السيزون التاسع والثامن
كانوا ماشاء الله عليهم نكد نكد يعنى هههههههههههه
اصلى مش تايوان هههههههههه

[مها مصطفى محمد]

الحلقة بجد تحفة اولا هما كرروا حكايه الشيب شيفتر دي بشكل مختلف بصراحة خلوني مقدرش اقول عليها مكرره لسبب ان الواحد افتكر الاول قضيه اشباح وبرضه قلت التكرار دا بس ان شيب شيفتر يفكر بالعقليه دي ويحاول يلزق التهمه في الاشباح المنتقمه دي جديده عجبتني
ثانيا مش عارفة ليه بدأت الاحظ ان دين كبر مش سنا بس ملامحة دايما عليها هم كبير في غضب في ذنب دا اداله فوق سنه حتى وهو بيصلح العربية في الحلقة دي والحلقة اللي فاتت حد لاحظ ايده اعصابها مشدوده دين كله على بعضه اعصابه بقت مشدوده ودا اداله كبر في ملامحه
ثالثا جوزين الستات بتوع جامعة الدول دول ايه ايه بقى اول ما العيال دخلت حسيتهم اول مره يشوفوا رجاله هو بصراحه اه فعيلتهم الغريبه دي بس ضحكني اوي رده فعل دين لما الست قالتلهم انتوا جذابين قالها اووووووووه بنظره عينه بتاعة الاجزاء الاولي لما تعدي من قدامه مزه جامده لا كمان ولما ضربته على ............ عايزة اقولها جري ايه ياوليه على طريقه عم ايوب الكوميديا كانت تحفة في الحلقة دي لا ولما سام وهو بيدور لقى الست فوشه وعايزه تدخله الاوضه قالها انا وراكي على طول دخلت هي وهو قال يافكيييك وعجبنتي اوي اسلوبه علشان يعرف مين فيهم الشيب شيفتر وكان معاه سكاكين الفضة اللي طلعت تايواني (ياخيبتك يابن ماري) وقالهم قال ايه كان بتمنع يعني وربنا انا كنت خايفة الاتنين يهجموا عليه وميطلعوش من تحت اديهم الا دين بجد كانت حتهلك من الضحك اصلا لأن تعابير وشه مسخره وهو بيحاول يبان جدع وهو خايف منهم اصلا محسسني انه بيدور حيجري ازاي لو قلوا عقلهم هههههههههههههه وهو كمان بيقول التانية تعالي انتي كمان الميه دافيه هههههههههههههههه بيحاول يعمل برم ودين لما دخل لاقاهم بيفصصوا الواد زي راس التوم وتقولها صوابعه طويله ومعرفش ايه ياوليه عيب ياوليه مايصحش وسام مزروع مكانه زي الكوسة مش عارفه يطلع ودين بيقوله قاطعت حاجه ههههههههههههه دا انت جيت نجده يااخي ودين لما قفش الاتنين في الخزنه وعلشان يحفظ سرهم قالهم المسوا دول ههههههههههه كانوا شايفينه عبيط واهبل ايه الجنان دا لا حقيقي الكوميديا كانت رائعه فصلوني ضحك
رابعا ودا اهم مشهد في الحلقة كلها وحيتبنى عليه حاجات كتير جايه مهما مشهد قتل الشيب شيفتر لما سام فوجىء انه مش معاه رصاصات فضيه اولا انا لاحظت ان سام كان خايف زياده عن اللزوم المفروض هو واجه الحاجات دي كتير يعني لما مايبقاش معاه سلاح يقلق يتوتر انما دا خاف وعرق كمان وبعدين انا سمعت اول طلقه من هنا قمت لطمت قلت اللي بيحاول يبنيه سام هده دين فثواني مكنتش اتمنى كدا بس مكانش فيه اختيار دين كان لازم ينقذ سام وبعدين هو اللي جاب الحاجة من العربية ياريتهم عكسوا الموضوع وسام اللي راح جاب المسدس والطلقات ودين هو اللي حاول يلهيه الشيب شيفتر بس نقول ايه مؤلف لازم يلعبنا عالشناكل النقطة الاساسية هنا ان دين مكتفاش بالطلقة الاولي اللي قتلها بيها لا تقريبا فرغ المسدس فيها وتعبير وشه الجامد اللي مفيهوش احساس نهائي غير اني استشفيت منه ان زي مايكون كان مانع نفسه بالعافيه وماصدق زي المدمن اللي كان بيحاول يبطل وعمل نفسه بطل بس ماقدرش يمسك نفسه عند اول شمه نظره عين سام لدين في الوقت دا عبقرية وكلها خوف حقيقي منه وعليه عارف ان دين انقذه بس هو كان بيحاول يمنعه ان يقتل من ساعة مارجع خوفا من تأثير العلامه وعارف ان اكيد اللحظة دي حتيجي بس مكانش عامل حسابها بدري كدا باين عليه القلق ياتري دين حيقدر يعديها عادي ولا تأثير العلامه حيرجع يشتغل تاني ونرجع لنفس الدوامه وحيحتاج يقتل علشان يرتاح وشويه شويه لازم يقتل بالسيف علشان المتعه تبقى اكتر علشان بتتفاعل مع العلامه سجارة وكاس زي مابيقولوا علشان يمخمخ يعني القتل بالعلامه من غير السيف زي الرجيم النباتي كدا يغذي بس مايشبعش بس الواحد يعيش انما مع السيف حاجه تانية فولباور وراحت لحظات الصراحة اللي كان مصدق انه لقاها مع دين وحيوله مع اول حاجة تحصله دين رجع ينكر تاني بعصبيه وهو عارف انه مفقوس ورجع يزين كلامه لما يحب يختم الحوار ومنرجعش نفتحه تاني (انا بخير ) يعني من الاخر جزره وقطمها جحش ياسام ودين اصلا بيبقى باين عليه وعلى نظره عينه لما بيكدب او بيبقى تعبان او بيداري موضوع وكان فتح الكاسيت قفل الموضوع على سام بطريقة غبيه وسام ياعيني مستني المصيبة الجاية
ربنا يستر الحلقة رائعة بكل المقاييس والنهاية خوفتني جدا معلش طولت عليكم جدا (بلاش ضرب ههههههههه)

[sasa soso]

انا معاكي انهم كانوا المفروض عكسوا

حتى لو كان دين اتقتل عن طريق المتحوله كان ممكن يرجع بسبب العلامه
انما سام لو كان اتقتل كان خلاص هيموت

[مها مصطفى محمد]

مهو المؤلف لازم يتغابى علينا ويجننا شويه ومش حيكرر حكاية موت دين ورجعه تاني فأقل من حلقتين لأنه كدا حيكرر تاني نفس قصة علاج سام لدين بس هو دين عالاقل كان خبطها بحله ولا كزروله طير من ايدها المسدس او حتى شاطه من ايدها على ماسام يخش يقتلها كان حيتصرف يعني بس نقوله ايه بقى منه له

[sasa soso]

المشاركة الأصلية كتبت بواسطة مها مصطفى محمد مهو المؤلف لازم يتغابى علينا ويجننا شويه ومش حيكرر حكاية موت دين ورجعه تاني فأقل من حلقتين لأنه كدا حيكرر تاني نفس قصة علاج سام لدين بس هو دين عالاقل كان خبطها بحله ولا كزروله طير من ايدها المسدس او حتى شاطه من ايدها على ماسام يخش يقتلها كان حيتصرف يعني بس نقوله ايه بقى منه له

سام اداءه انخفض كتير من اول السيزون
بقى بقع من اول خبطه

[مها مصطفى محمد]

هو سام فعلا بقى خفيف شويتين بس ماهي حصلت قبل كدا كتير ليه هو دين كل واحد كذا مره وقع من اول خبطه بس هي المره دي زايده شويه بس انا اعذره في الناحية دي رغم انها مضايقاني بس لسبب ياعيني الواد بيطلع من كل مصيبة يقع في التانية من اول مارجع من سجن طره اقصد سجن لوسيفر (كفاره يابو السام) بس طلع انا مش عارفني انا تهت مني انا مش انا من غير روح ياعني ولما رجعت روحه المسلوخه عند ادعها فرارجي محمله بحبشتكنات لوسيفر كفايه احساسه بالذنب بعد ماعرف اللي عمله من غير روحه وانتي عارفة أل وينشيستر لما بيحسوا بالذنب العيال اليتامى دول بيقهروا فينا وفنفسهم 10 سنين ورا وعشر سنين قدام دا لو صرصار حافي كان بيعدي الشارع في الصين رجله اتجرحت بيحملوا نفسهم ذنبه المهم ان كمان متنسيش بعد التجربة دي الحيطة المايله اللي عملهاله المقاول ديث الغشاش شكله خلطها بميه وشفتي الويل اللي شافة سام بعد ما كاس ادى الحيطة كتف وقعها الراجل يفوق مايلحقش اخوه يروح منه عالمطهر واخوه السند الحمايه وبين عذاب ضميرة بقى انه مدورش على اخوه او مش لاقيله سكة وبين المدام اللي حبها يرجع دين يضطر سام يسيب حبيبته وماصدقنا الواد حب حقيقي بعد المرحومة جيس اللهي يبشبش الطوبه اللي تحت راسها يقوم يسيبها والاختبارات اللي هدت حيله امه بعد كدا والواد لبسه ملاك وشيله لذنب موت كفن وكل البلاوي اللي عملها جادريل اللي كان ممسوح دماغة من الله يكحمه ميتاترون دا غير زعله من دين وزعله من نفسه انه زعلان من دين اصلا لا وكمان هو مشيل نفسه ذنب ان دين خدت العلامه وعمل فنفسه كدا علشان يكفر عن غلطته اللي زعلت منه سام وموتت كفن وموت دين بين ايديه دي فحد ذاتها موت ليه واختفاءه فجأه من غير مايعرف ليه وهو وحيد مفيش حد بيساعده كاس بيحتضر وبوبي الله يرحمه ويبشبش الطوبة اللي تحت راسه مش موجود والغلط اللي عمله علشان يرجع دين واستسلامه للضلمه اللي جواه ويفوجىء اخوه نن عينه بقى ديمن وحامل هم اللحظة اللي ممكن تيجي يبقى مضطر يقتله لو مفيش علاج يااوختي دا لو جبل كان زمانه اتهد كويس الواد طلع منها سليم بدون امراض نفسه كل دا طبعا لازم يأثر على نفسيته وصحته ومناعته وقوته الواد اتهد علشان كدا انا التمسله العذر فدا

[sasa soso]

المشاركة الأصلية كتبت بواسطة مها مصطفى محمد هو سام فعلا بقى خفيف شويتين بس ماهي حصلت قبل كدا كتير ليه هو دين كل واحد كذا مره وقع من اول خبطه بس هي المره دي زايده شويه بس انا اعذره في الناحية دي رغم انها مضايقاني بس لسبب ياعيني الواد بيطلع من كل مصيبة يقع في التانية من اول مارجع من سجن طره اقصد سجن لوسيفر (كفاره يابو السام) بس طلع انا مش عارفني انا تهت مني انا مش انا من غير روح ياعني ولما رجعت روحه المسلوخه عند ادعها فرارجي محمله بحبشتكنات لوسيفر كفايه احساسه بالذنب بعد ماعرف اللي عمله من غير روحه وانتي عارفة أل وينشيستر لما بيحسوا بالذنب العيال اليتامى دول بيقهروا فينا وفنفسهم 10 سنين ورا وعشر سنين قدام دا لو صرصار حافي كان بيعدي الشارع في الصين رجله اتجرحت بيحملوا نفسهم ذنبه المهم ان كمان متنسيش بعد التجربة دي الحيطة المايله اللي عملهاله المقاول ديث الغشاش شكله خلطها بميه وشفتي الويل اللي شافة سام بعد ما كاس ادى الحيطة كتف وقعها الراجل يفوق مايلحقش اخوه يروح منه عالمطهر واخوه السند الحمايه وبين عذاب ضميرة بقى انه مدورش على اخوه او مش لاقيله سكة وبين المدام اللي حبها يرجع دين يضطر سام يسيب حبيبته وماصدقنا الواد حب حقيقي بعد المرحومة جيس اللهي يبشبش الطوبه اللي تحت راسها يقوم يسيبها والاختبارات اللي هدت حيله امه بعد كدا والواد لبسه ملاك وشيله لذنب موت كفن وكل البلاوي اللي عملها جادريل اللي كان ممسوح دماغة من الله يكحمه ميتاترون دا غير زعله من دين وزعله من نفسه انه زعلان من دين اصلا لا وكمان هو مشيل نفسه ذنب ان دين خدت العلامه وعمل فنفسه كدا علشان يكفر عن غلطته اللي زعلت منه سام وموتت كفن وموت دين بين ايديه دي فحد ذاتها موت ليه واختفاءه فجأه من غير مايعرف ليه وهو وحيد مفيش حد بيساعده كاس بيحتضر وبوبي الله يرحمه ويبشبش الطوبة اللي تحت راسه مش موجود والغلط اللي عمله علشان يرجع دين واستسلامه للضلمه اللي جواه ويفوجىء اخوه نن عينه بقى ديمن وحامل هم اللحظة اللي ممكن تيجي يبقى مضطر يقتله لو مفيش علاج يااوختي دا لو جبل كان زمانه اتهد كويس الواد طلع منها سليم بدون امراض نفسه كل دا طبعا لازم يأثر على نفسيته وصحته ومناعته وقوته الواد اتهد علشان كدا انا التمسله العذر فدا

تصدقي صعب عليا فعلا
هههههههههههههههههههه
معاه حق
ده كويس انه لسه ماشي على رجليه اصلا

[مها مصطفى محمد]

مش بقولك ربنا معاكم ياولاد ماري وجون العيال ايتام وغلابه وقلبهم ابيض
انا حاسة اني حشحت عليهم على باب السيده كمان شوية هههههههههههه

[الدنيالاتساوي جناح بعوضة]

حد عنده طريقة اجيب بها المسلسل كله غير التحميل لان الفلاشات اللي كنت شايلة عليها المسلسل اتسرقت وكمان شاشة الكمبيوتر هو بصراحة البيت كله اتسرق الحمد لله ان انا والعيال ما اترقناش كمان منهم لله