# لقـــــاء صحفى مثير من مذيعة تليفزيونية لبطل مسلسلنا الوسيم Jensen Ackles #

[debuuu]

Jensen Ackles




مع لقـــــــــــــــاء صحفى مثير
ومع امتع لحظات هنشوفها لبطل مسلسل supernatural خارج التصوير

لينك الفيديو والمقدمة الخاصة باللقاء

ترجمة اللقاء


- اول حاجه المذيعة سألت عن اصابة جينسين اللى فى دقنه وقالت ايه ده فقالها الحوادث تحدث
فقالتله هى دى اصابة جينسين ولا اصابة دين فقالها اصابتى انا
فقالتله حقا ماذا حدث فجينسين بصلها بكسوف وضحك وبرق بعنية وقالها للتسجيل فضحكت المذيعة وقالت خلاص ابقى قولى بعد لما اقفل الكاميرا علشان تقول القصة الحقيقية
فجينسين قالها هذا جيد للغاية ؛
المذيعة قالت انها فى البداية عايزة تهنيه على اخراجه للحلقة الماضية وانها كانت رائعة فجينسين قالها شكرا لكى ؛

المذيعة قالت :/ فكيف كان يبدو الأمر لك وما كان مدى صعوبته؟؟؟
جينسين رد وقال ان الأمر المره دى كان اكثر صعوبه شويه لأنه كان عنده مشاهد فيها كتير على عكس الحلقتين اللى اخرجهم قبل كده كان بيبقى ظهور دين فيها اقل وان وقتها الكتاب قللوا الحمل عليه وكانوا بيخلوا ظهور دين قليل فى الحلقة لكن الحلقة دى كان ظهوره اكبر فكانت اصعب

المذيعة قالت :/ ايه كانت اصعب الأجزاء فى الحلقة فى الأخراج بالنسبه له؟؟؟
جينسين رد وقال اللقطة بتاعة الست العجوز لما سام ودين كانوا عندها وكانت بتحكلهم القصه كلها ؛
وان كان لما المخرج المساعد يقول اقطع جينسين كان بيوصلها ده وبعدين يخرج من مود الممثل ويبدأ عمله كمخرج ويبتدى يقدملها ملاحظات وبعدين فجأة يرجع مكانه كممثل تانى فى المشهد ويرجع يكون دين مره تانيه ؛
وبعدين كمل وقال ان بالفعل بيكون اصعب شىء هو التحول من دين للمخرج ومن المخرج لدين خصوصا فى اللقطات المهمه ؛
وبعدين جينسين كمل وقال انه عمره ما كان عنده فكرة الأخراج واضحه زى ما هى واضحه الأن وفكرة عقلية الممثل كان يجب عليه الخروج منها تماما
حيث انه كممثل يكون ذهنه صافى للغاية فهو حافظ دوره وعارف موقعه فى كل مشهد وميهموش اى شىء تانى حواليه لأنها مش شغلته
وبالتالى هو فقط ينتظر كلمة اكشن ويبدأ فى اداء دوره والقاء كلماته ومعندوش اى مشكله تانيه فيما يحدث بالخلفية ؛
وانه من السهل عليه انه يركز فقط فى دوره ومع كلمة اكشن بيبعد كل شىء عن ذهنه ممكن يشغله ويبقى تركيزه على دوره فقط مفيش شىء تانى يشغله او يجذب تفكيره
ولكنه لما بيكون ممثل ومخرج فى نفس الوقت الوضع بيختلف تماما وبيكون لازم انه يفكر فى كل شىء
بيكون لازم عليه الأهتمام بكل شىء وانه يقدم توجيهات للجميع وكل واحد يعمل ايه ووضع الكاميرات يكون ازاى والكثير من الأشياء وانه كل بضعة دقائق بيكون فى اللى محتاج مزيد من التوجيه والمزيد من الأسئلة وبالتالى على عكس كونه ممثل فقط لا يمكن ان يكون ذهنه صافى تماما
وبالتالى التنقل بين هاتين العقليتين غالبا اصعب شىء يواجهه ولكنه حب التحدى .


المذيعة قالت :/ هل يحب انه يقوم بأخراج اشياء اخرى ام فقط سوبرناتشورال؟؟؟
فجينسين قال انه يعتقد انه يرغب فى هذا وبعدين قال انه يعتقد انه على استعداد للعمل على اخراج مشروع اخر لكنه ليس متأكد انه وصل للأداء كمخرج
الذى يمكنه من العمل على اخراج مشروع اخر ولكن على كل حال التشجيع والمجامله شىء جيد لذا شكرا ؛
فالمذيعة قالت لا لقد كنت جيدا حقا وانا لا اجامل فجينسين ضحك وقالها اعلم انكى لا تفعلى



المذيعة قالت :/ ان بعد عرض 3 حلقات الأن تم توضيح ان هناك الكثير من التناقض فى شخصية سام فهو اغلق تليفونه لمدة عام وابتعد عن الصيد تماما فهل تعتقد ان هناك اسلوب لكتابة شخصية سام بعيد عن شخصيته المعتادة المعروفه السنين الماضية؟؟؟
فجينسين قال من الواضح ان دين لديه تحفظ على هذا ونحن نرى هذا وسنراه ايضا فى القادم
وانه يشعر انه دائما ما كان عنده الرغبه فى التوقف وان دين هيكون مش فاهم هو ليه عمل ده وهيحسه غريب وانه دائما بيكون غريب بالنسبه له وانه مش قادر حقيقى يفهمه ولكن ايا كان السبب فأنا خلاص رجعت وانت كمان هترجع معايا
وان دين مش هيكون مهتم حقا يعرف ايه كان سبب التصرفات دى بقدر اهتمامه بعودتهم معا
وان دين هيكون عائد من حرب فعليا فى المطهر وقد كان فى حالة قتال طوال الوقت وكان فى حال يرثى لها مغطى بالدم
وبعدين جينسين قال انه فى تصوير اول مشهد فلاش باك للمطهر كان متحمس للغاية وفضل يقول لمسئولى المكياج انهم يعملوا المزيد فهو عايز المزيد من الدماء المزيد من القاذورات فهذا افتتاحية الموسم ونريده ان يكون قويا
ولكنه بعدين قال لنفسه يالى من غبى ليه عملت كده وانه كان محتاج بعدين نص ساعه لتنظيف نفسه من تلك الأثار
وبعدين جينسين قال ان عودة للسؤال عن سام وعن علاقة سام ودين فهو يعتقد ان دين حتى الأن مش عايز يركز على فكرة ابتعاد سام عن كل شىء لعام كامل


المذيعة قالت :/ ان الحلقة القادمة هى حلقة خفيفة لسام ودين (الحلقة الرابعة) فهو ايه رأيه فى ده؟؟؟
فجينسين قال ان هذا فى منتهى الروعه هههههههه فهما خدوا اجازه والأستمتاع بالصيف لقد كان شيئا ممتازا حقا فهو عايز كل المسئولين يعرفوا انهم عايزين المزيد من تلك الحلقات ههههههههه
وبعدين جينسين كمل ان الفكرة نفسها بتاعة الحلقة جيدة وانه هو لسه مشافهاش على بعضها لسه وانه طبعا مكانش متواجد كتير اثناء عملها ؛

فالمذيعة قالتله بالنسبه للمبدأ والفكرة العامه للحلقة
فجينسين رد وقال بالنسبه للفكرة العامه فهى رائعة فعلا وان احنا يكون عندنا ممثلين هم اللى بيقوموا فى الحلقة بفعل المصورين
فالمذيعة قالت زى مواجهى الأشباح فجينسين قالها نعم مثل هذا لكن حتى مواجهى الأشباح الأمر كان بمثابة تصوير وعمل تسجيل لفكرة الصيد لكن الحلقة دى بتقدم معالجه للأحداث من مبدأ تانى خالص
فهم مجموعة من الشباب يصادفون عملاء فيدراليين يحققون فى قضية فيقفون لمعرفة ما الأمر ما القصة
وانهم يكونوا زى يا الهى اخفض الكاميرا والتانى يقوله ما الذى يحدث ؟ ما الذى يحدث ؟ فالأمر فعلا كان معالجة للأحداث من بعيد
وبعدين المذيعة قالتله وانتم فى النهاية وجدتم وقت اكثر للنوم فجينسين ضحك وقالها نعم وهذا دائما يكون رائع هههههههه

مع اطيب الامنيات بمشاهدة طيبة
تحياتى ...

[sasa soso]

ده السيزون ده ؟؟

[debuuu]

المشاركة الأصلية كتبت بواسطة sasa soso ده السيزون ده ؟؟

لاء ياقمر
لكن لقاء صعب اسيبة من غير ما يكون محفوووووووظ هنا فى موضوع مستقل بذاتة

[sasa soso]

انا حسيت ان في حلقه فاتتني

طيب الاصابه كانت من ايه؟
فضول بقى

[debuuu]

المشاركة الأصلية كتبت بواسطة sasa soso انا حسيت ان في حلقه فاتتني طيب الاصابه كانت من ايه؟ فضول بقى

هههههههههههه كان اتزحلق وهو شارب وقع على دقنة فى الكواليس
وعشان كدة كان مكسوف يقولها امام الكاميرا ههههههه

[ELTAYAR]

تسلم ايدك

[sasa soso]

المشاركة الأصلية كتبت بواسطة debuuu هههههههههههه كان اتزحلق وهو شارب وقع على دقنة فى الكواليس وعشان كدة كان مكسوف يقولها امام الكاميرا ههههههه

[debuuu]

المشاركة الأصلية كتبت بواسطة sasa soso

ايوة كدة اقفلى بقك وخليها فى سرك بقى هههههههههههه

[gg Guy]

هههههههه
عجبنى اوى القاء وخفة دم دين

[debuuu]

المشاركة الأصلية كتبت بواسطة gg Guy هههههههه عجبنى اوى القاء وخفة دم دين

دة مش دين ياقمررررررررررررررر

دة جنسين اكلز نفسة

وفعلا كان دمه خفيف جدا فى اللقاء

يلا بقى يابخت مراته
هنقول اية غير كدة




ربنا يهنيها معاه

يهنيها ويسعدها

يسعدها قوى قوى قوى

دا انا نفسى انها تنفجر من شدة السعادة معاه واخلص منها
ههههههه