مشهد الحلقة السادسة من السيزون الرابع
حلقة اصابة دين بمرض شبحى يسبب الخوف حتى الوفاة فى خلال 48 ساعة
المشهد مش محذوف هو تم اختصاره حيث اننا هنا بنشوف فى المشهد ده دين بيبص للساعه وبيحسها بتتهز وبيبص لمنبه اصفر كده وبيحسه بيتهز برده اكتر من مره فى خلال ما كان بيقرا لكن فى المشاهد جابوه بص للساعه مره ومكانتش بتتهز كده بس كان كأنه متضايق من صوتها والمنبه الأصفر ده مجاش فى الحلقة خالص فالمشهد اختصر منه بعض اللقطات بس
مشهد الحلقة العاشرة
المشهد فيه حوار بين كاستيل و يوريال وفيه رد من كاستيل على يوريال على طلب قتل سام
كاستيل قال ليوريال انه سأل عن الأمر وتم امرهم بعدم لمس سام وينشستر ويوريال بيقوله لماذا فكاس قاله انهم لا يقولوا ابدا لماذا فيوريال قال انه قال كلمته لدين اما حياة سام او حياة انا وانا مازالت عايشه فكاس رد عليه هل هو مستعد يعصى الأوامر
فراح يوريال وقال حسنا انا هروح اقتل الشيطانه روبى فوقف كاستيل وكأنه بتجيله اوامر ورد على يوريال وقال عندى اوامر بعدم الأقتراب منها ايضا ويوريال رد بغضب لماذا ايضا يصبح عندهم اوامر بعدم قتل شيطانه فكاس قاله انهم بيقولوا ان لها دور مهم
وطبعا يوريال غاضب من الحوار فكلمه كاس وقاله انه يبدو عليه ملامح العصيان ووقتها هيكون زى انا
فمشى يوريال بغضب فسأله كاس رايح فين ورد يوريال رايح يقتل اى حاجه
سبب الحذف
واضح من الحوار بالطبع ان الحذف لأسباب لها علاقه بعدم اظهار الأسرار اللى لم نعرفها الا فى اخر حلقه
حيث ان الحوار كشف كتير من الحقائق اللى بالفعل لم يكشف عنها غير فى الحلقة الأخيرة وكانت كلها مفاجأت غير متوقعه مثل
- اهتمام الأنجلز بسام بدون ذكر سبب وانه سيحقق لهم هدف ليس معلن عنه بعد
- اهتمام الأنجلز بتواجد روبى مع سام لتحقيق هدفهم
وهذا بالطبع بيمثل حرق قوى جدا لفكرة سعى الأنجلز لمخطط سىء وهو تحرير لوسيفير بجانب معرفتهم بدور روبى فى ده واهمية تواجدها مع سام لتزويده بالدم الشيطانى وده كان هيقدم صوره عن الأنجلز من الحلقه ال 10 ان لهم مخطط شرير رغم ان هذا كان لا يجب الافصاح عنه او الأيحاء به غير مع النهاية ومع اخر حلقه زى ما شوفنا بالفعل
فالحذف هنا منطقى جدا بل كان لا يجب ان يتم كتابة حوار كهذا فى الحلقة ال 10 وهو سيكشف او سيمهد لأحداث الفاينال للسيزون
لينك المشهد
مشهد تم اختصاره وحذف جزء منه من الحلقة العاشره للموسم الرابع
لينك المشهد
المشهد محذوف منه حته من النص ومحذوف اخره
بالنسبه للمشهد الأساسى اللى اتعرض فى الحلقه فهو انتهى بعد رد سام على دين ان بوبى هيعرف ايه اكتر من اللى يعرفوه ودين قاله لا اعلم ولكن يجب ان نفعل شىء ما والمشهد انتهى مع نظرة سام لدين
لكن المشهد هنا كان فى رد تانى من سام على دين وقاله حسنا وراح يكلم بوبى فى التليفون وطبعا تكملة المشهد وتبادل النظرات بين دين وانا من الصدمة
مش عارفه طبعا سبب الحذف هنا لكن الارجح علشان الوقت حيث ان الجزء اللى اتحذف هو امتداد لتعبيرات المشهد والصدمه من الكلام عن اعادة دين للجحيم واختصاره مفيهوش مشكله
الجزء اللى اتحذف من النص بجد مكانش ينفع يفضل فى الحلقه من وجهة نظرى تماما
وهو جملة دين بعد ما انا قالتله انهم بيقولوا لم مسلموهاش قبل منتصف الليل هيرجعوه الجحيم
دين رد اغرب رد ممكن اتخيل ان دين يقوله وقال ليه التهديد فردى ليا انا بس ماهو سام مخطىء معايا فى نفس الشىء
(يقصد ان هو وسام رافضين تسليم انا فأشمعنى التهديد جاى له هو بس بأعادته للجحيم)
الحذف للجمله دى بجد فى منتهى الحكمه بالنسبه لى
اولا لأن ظهر على دين الرعب الشديد من الكلام بصوره مبالغ فيها مقارنة بحواره مع يوريال اللى جه بعدين واللى هدده فيه بأعادته للجحيم ومشوفناش دين بالرعب اللى ظهر فى المشهد ده
ثانيا من امتى دين بينزعج ان التهديدات بالأذى له هو بس وهيطلب التهديد لسام كمان او يستغرب ويعلق ان مفيش تهديد لسام
جمله كانت هتبقى من مواقف وطرائف بالنسبه لى للمسلسل لو متحذفتش
ثالثا لو لم يتم حذف الجمله دى كان هيبقى الأحداث اللى حصلت بعد كده فى الحلقه ملهاش معنى ابدا
وهو حوار يوريال ودين اللى وضح ان دين لا يهتم بالتهديدات ولكن الشىء الوحيد اللى نقطة ضعفه هو سام ومع تلميح يوريال بقتل سام ضعف دين
فكان الحوار ده مش هيكون له اى معنى لو لم تحذف الجملة العجيبه اللى فيها دين بيقول ليه التهديد له لوحده وان الأمر ده خطأ سام كمان معاه
فالحمد لله ان المشهد اتحذف وهرجع واقول مين الشخص العجيب اللى كتب جملة زى دى وازاى جينسين او حتى جاريد كمان معلقوش عليها وصوروها بالفعل رغم تنافيها مع كل اللى نعرفه عن دين عموما بجانب تنافيها ايضا مع حوار دين ويوريال اللى فى نفس الحلقة؟
....
العرض العادي
